SriChinmoy.org
mk
Повеќе за Шри Чинмој
x
Секој од нас е трагач,
кој чекори по Патот на Вечноста,
кој нема почеток и крај.
Шри Чинмој е духовен учител кој го посвети својот живот на служење на човештвото кое тежнее. Со сите негови душевни придонеси - неговите молитви и медитации, неговите книжевни, музички и уметнички дела - Шри Чинмој се обидува да го инспирира човештвото.
Се надеваме дека едноставноста, чистотата и светлината на придонесите на Шри Чинмој ќе ве инспирираат.
Првиот чекор кон мир на умот е искрено да почувствуваме дека не сме неопходни. Ние немаме мир во умот бидејќи чувствуваме дека на другите им треба нешто од нас или дека нас ни треба нешто од другите. Чувствуваме дека ако не направиме или не кажеме нешто, тогаш светот ќе пропадне или веднаш сè ќе тргне наопаку. Но, во моментот кога ќе можеме искрено да почувствуваме дека не сме неопходни, нема да мораме да одиме никаде за да добиеме мир затоа што мирот веднаш ќе дојде кај нас.
Друг лесен начин да добиеме мир во умот е да почувствуваме дека ништо не е претерано важно. Сè и сите на земјата може да нè разочараат или да нè напуштат, се додека ние не го напуштиме Бог и Бог не нè напушти нас. Бог никогаш нема да нè напушти затоа што Тој е целиот Сомилост, и дури и да се потрудиме најмногу што можеме, нема да можеме да го напуштиме Бог бидејќи Тој е сеприсутен. Освен Бог, ништо на земјата не е неопнодно. Ако можеме свесно и континуирано да чувствуваме дека само Тој е неопходен, тогаш ништо не може да ни го земе мирот во умот.
За мирот може да се зборува со часови. Љубопитниот ум може да добие некакво задоволство, но срцето што плаче не може да добие никаква помош од зборувањето. Срцето што плаче е вистинската реалност внатре во нас, а тоа срце што плаче добива внатрешен мир, мир кој трае, само преку молитвена тишина и душевна медитација. Само душевната медитација и душевната молитва може да донесат мир. Ако во секој момент можеме да помислиме дека растеме во молитвена медитација и душевна молитва, тогаш вечниот мир ќе биде наш.
Наоѓаме мир само откако целосно ќе престанеме да наоѓаме грешки кај другите. Треба да го почувствуваме целиот свет како наш сопствен. Кога ги набљудуваме грешките на другите, влегуваме во нивните несовршености. Тоа воопшто не ни помага. Сепак интересно, колку подлабоко нурнуваме, толку појасно ни станува дека несовршеностите на другите се наши сопствени несовршености, но во различно тело и ум. Додека ако мислиме на Бог, Неговата Сомилост и Неговата Божественост ја прошируваат нашата визија за Вистината. Мораме да дојдеме до потполност на нашата духовна реализација за да го прифатиме човештвото како едно семејство.
Охрабрување за работата за мир на Шри Чинмој од Михаил Горбачов, Мајка Тереза, Нелсон Мандела, Архиепископот Дезмонд Туту и други. Повеќе »
Сонот зад најголемата штафетна трка со факел на светот, како и значајни пресвртници и достигнувања. Повеќе »
„Вашите дела се непроценливи, тие не можат да се измерат со никакви економски или политички параметри; тие се благородни и лек за човечката душа.“
Срцето е изворот. Треба да го започнеме нашето патување во срцето. Внатре во срцето е душата. Свеста на душата продира во целото тело, но посебното живеалиште на душата е внатре во духовното срце. Кога ќе влеземе во најдлабоките катчиња на срцето, од таму ја добиваме вистинската љубов на душата.
Љубовта може да оди нагоре во главата или надолу во стопалата. Но, ако љубовта доаѓа прво од срцето, тогаш е прочистена. Ако љубовта не потекнува од срцето, тогаш е витална љубов, која што не е чиста. Ако чистата љубов, љубовта на срцето, љубовта на душата, може да проникне во целото битие, може да го прочисти и обожествени целото твое постоење. Кога целото физичко постоење е преплавено со љубов, само тогаш можеме да имаме универзално чувство на единство.
Сите ние сме граѓани на светот. Ако јас можам да ги инспирирам другите, и ако тие можат да го инспирираат остатокот од светот, тогаш можеме да имаме подобар свет. Со доблеста на медитацијата можеме да правиме добри нешта за човештвото.
Имам подигнато луѓе од различни сфери на животот и сите тие добија радост. Настанот го викаме „Подигнување на светот со срцето на единството“. Тие граѓани на светот се одлични во нивното поле, па затоа јас им оддадов почит на мој начин. Го подигнав секој од нив со една рака користејќи посебна апаратура.
Шри Чинмој започна со подигнување тежини во 1985-тата година и започна да им оддава почит на луѓето на тој единствен начин во 1988-мата година; беа подигнати вкупно преку 8000 луѓе.
„Како што розата има многу ливчиња, од кои сите додаваат на убавината и мирисот на розата, така и светот ќе стане едно свет-семејство.“ —
Можеш да имаш искрена љубов за целото човештво само кога го сакаш Изворот. Бог нè создаде. Ние не го создадовме Бог. Затоа за да го сакаш целото човештво, треба да одиш до Изворот на човештвото, Бог. Ако го сакаш коренот, само тогаш можеш да го сакаш дрвото. Коренот овде е Бог. Ако си свесен за Изворот и за особините што ги има Изворот, само тогаш навистина можеш да го сакаш човештвото. Не можеш да сакаш ниедно човечко битие освен ако и се додека не го сакаш Бог. Ако можеш да почувствуваш дека го сакаш Бог и само Бог, и никој друг, тогаш ги сакаш сите, затоа што Бог е Некој кој е внатре во сите. Ако кажуваш дека го сакаш него или ја сакаш неа, од таа поединечна љубов не можеш да одиш до љубовта за Бог. Но, од љубовта за Бог можеш да одиш до љубовта за човештвото. Ако можеш да го задоволиш и сакаш Највисокото, Бог, тогаш автоматски ќе го задоволуваш и сакаш и човештвото.
Служење на локалната заедница преку бесплатни часови по медитација и концерти, како и други спортски и културни настани. Повеќе »
Повеќе за историјата на оваа единствена награда и 8000-те почестени за нивната улога во служењето на ближниот. Повеќе »
„Среќата е родено право на секое човечко срце.“ —
Вистинската среќа не е ментална халуцинација. Вистинската среќа не е чувство на задоволство. Вистинската среќа е спонтано чувство на радост кое доаѓа знаејќи дека го правиш вистинското нешто и водиш божествен живот.
Радоста и ведрината не се живот на задоволство. Не! Тоа е свесна будност на нашата внатрешна божественост. Кога сме среќни, кога сме навистина среќни, правиме вистински напредок. Кога стануваме среќно срце, се движиме напред, нурнуваме длабоко внатре, летаме. Напредокот е во движењето, а тоа движење доаѓа само кога имаме радост и кога стануваме радост.
Вистинската радост доаѓа од прифаќањето на светот, а не од откажувањето од светот. Бог ги избрал условите во кои го живееш твојот сегашен живот. Тоа е како претстава. Сцената е поставена и завесата е дигната за ти да го изведеш твојот дел и да напреднеш на духовниот пат. Твоите сегашни услови се најдобрите можни услови за твој напредок.
Среќен сум зошто секогаш го избирам вистинскиот момент.
Среќен сум зошто сум добар слушател.
Среќен сум зошто не се обидувам да ги убедам другите.
Среќен сум зошто не се жалам.
Среќен сум зошто не правам две нешта во исто време.
Среќен сум зошто никогаш не мислам на два предмети во исто време.
Среќен сум зошто ја сфатив вистината дека најважното нешто во мојот живот е себеподобрувањето.
Среќен сум зошто безусловно го потенцирам доброто кај другите.
Среќен сум зошто значително ги намалив моите желби.
Среќен сум зошто никогаш не се откажувам.
Извадок од краток разговор на Шри Чинмој, за време на една од неговите неделни медитации во Обединетите нации.
Чувствувам дека преку молитва, медитација и посветено служење може да зазори светскиот мир. Секој поединец треба да се обиде и да ги направи другите среќни, затоа што само преку среќата можеме да имаме мир. Ако можеме со љубов и искрено да му понудиме среќа на некој, тогаш таа одредена личност ќе има само добра волја кон нас. Од среќата добиваме мир, а од мирот добиваме среќа; двата се неразделни.
„Биди среќен! Бог во тебе гледа друг Бог. Бог те гледа како друг Бог. Бог те гледа тебе и Него како Едно.“ Повеќе »
Шри Чинмој сакаше да раскажува приказни и често ќе побараше од неговите ученици да изведуваат претстави, давајќи им радост на сите. Повеќе »
Фотографија: Шри Чинмој ја завршува трката на 47 милји во Њу Јорк, 1981-вата година.
За сите мои постигнувања, целосно зависам од Милоста на Севишниот. Неговата Милост ми дава инспирација и ме води во сè што правам — без разлика дали пишувам песна, компонирам песна, сликам слика, трчам маратон или држам предавање. Сè што правам зависи од внатрешното водство, а тоа внатрешно водство не е ништо друго туку Сомилост и Милост од Горе.
Oдисејата за 22-те години подигнување тежини на Шри Чинмој. Повеќе »
Повеќе за филозофијата на Маратон Тимот и настаните на издржливост кои ги ораганизираше низ светот. Повеќе »
Шампион во спринт во духовната заедница каде што порасна, но Шри Чинмој исто беше и страствен тркач на долги растојанија и тенисер. Повеќе »
Благодарен сум на Севишниот за тоа што ми даде златна можност да Му служам Нему на Негов сопствен Начин. Мојата поезија, мојата музика, мојата уметност и сè друго што правам е само израз на Некој кој работи во и преку мене.
Некои луѓе ќе кажат: „Што прави? Уметник е, музичар е, пејач е. Зошто не земе еден предмет и не направи најмногу што може со тоа?" Но, јас не го гледам тоа така. Пијаното има многу дирки. Зошто би требало пијанистот секогаш да остане на една дирка? Ако свири само една нота, како ќе може да ја создаде космичката мелодија, универзалната мелодија? Слично, јас чувствувам дека уметноста е една дирка, поезијата е друга, медитацијата е трета, а спортот е четврта. Ако свириш на различни дирки, тогаш ќе создадеш убава музика.
Медитативната моќ на апстрактните слики на Шри Чинмој и „Мир-Птица“ творбите. more »
Шри Чинмој напиша преку 1600 книги проза и поезија; повеќето од нив се достапни онлајн. Шри Чинмој библиотека »
Tекстови, преводи и аудио мелодии на творештвото на Шри Чинмој од преку 22 000 песни. http://www.srichinmoysongs.com »
Шри Чинмој нацрта преку 16 милиони, како што тој ги нарекуваше, „Сон-Слобода-Мир-Птици“ или „Мир-Птици“. За Шри Чинмој, птиците ја евоцираат неограничената слобода на човечката душа.
Имаме сè што ни треба длабоко внатре во нас — во најдлабоките катчиња на нашето срце. Таму е сефот, таму е нашето богатство. Кога се молиме и медитираме, Бог го отвора сефот и го гледаме нашето сопствено богатство. Затоа го користиме терминот „себеоткривање“. Со Божјата Милост ја откриваме вистината за себе; ја откриваме нашата сопствена светлина и божественост.
Шри Чинмој ја објаснува важноста на редовноста и споделува каде, кога и како е најдобро да започнете да медитирате. Повеќе »
„Кога практикуваме духовност, кога нашиот внатрешен плач, кој го нарекуваме тежнение, се искачува високо, повисоко, највисоко, тогаш добиваме Мир, Светлина и Блаженство не само во изобилство туку во бесконечна мерка. Повеќе »
„Нашиот пат во основа е патот на срцето, а не патот на умот. Тоа не значи дека го критикуваме патот на умот. Далеку од тоа. Само чувствуваме дека патот на срцето нè води побрзо кон нашата цел.“ Повеќе »
Сè што цениш овде на земјата не е само олицетворение на Бог туку Самиот Бог. Бог може да биде горе во било каква форма или без форма, како бесконечна Светлина, бесконечен Мир, бесконечно Блаженство. Повторно, може да биде внатре во нашите срца, каде што се наоѓа нашето вистинско постоење. А, ако ги отвориме нашите очи и ја погледнеме природата, планините и реките, тоа е исто Бог.
Затоа без разлика на кој начин ја цениме реалноста или сакаме да се идентификуваме себе со реалноста, треба да чувствуваме дека се цениме и идентификуваме себе со Божественоста; а таа Божественост ја нарекуваме Бог или Дух или Битие. Ако не сакаш да ја нарекуваш Бог, имаш совршена слобода да не го правиш тоа. Но, треба да ја викаш среќа. Самата среќа е Бог. Можеш да ја цениш убавината на природата и ако си среќен, тогаш среќата што ја добиваш е Бог.
Не постои суштинска разлика помеѓу една и друга религија бидејќи секоја религија ја отелотворува крајната Вистина. Секоја религија е во право, апсолутно во право, затоа што секоја религија ја пренесува пораката на Вистината на свој сопствен начин. Ако се нурнеш длабоко внатре, ќе видиш дека воопшто нема разлика помеѓу религиите. Сè е една Вистина наречена со различни имиња од страна на различни трагачи. Твојата религија може да каже едно нешто, а мојата религија може да каже нешто друго. Но, нашите религии никогаш нема да се разликуваат кога се работи за највисоката Вистина. Крајната Цел на секоја религија е да се реализира највисоката Вистина.
На патот кон нашата Цел може да се караме и несогласуваме, може погрешно да се разбереме меѓусебно. Зошто? Токму затоа што има многу патишта кои водат до Целта. Некои ќе следат еден пат, а други ќе следат друг пат. Секој пат ќе може да понуди инспирација. После некое време, некоја личност ќе каже дека нејзиниот пат е далеку најдобриот затоа што ѝ е угоден неа. Тогаш друга личност ќе каже дека нејзиниот пат е најдобриот. Но, кога и двете ќе ги достигнат своите одредишта, тие ќе бидат пред истата Цел: Вистината. Во Вистината нема караници, нема конфликти; Вистината или Богореализацијата ги надминува сите религии.
Со исклучок на објаснувањата, сè напишано погоре е од Шри Чинмој. Види извори »
Ако би сакал да истражуваш повеќе за техниките на Шри Чинмој, топло си поканет да стапиш во контакт со твојот локален Шри Чинмој Центар.
